Ministrja e Punëve të Jashtme të Gjermanisë, Annalena Baerbock, ka pritur në takim të martën ministrat e Jashtëm të vendeve të Procesit të Berlinit, në Berlin.
Në një takim të ndarë me ministrin e Jashtëm serb, Marko Gjuriq, e para diplomacisë gjermane i ka thënë atij se pa normalizim me Kosovën, s’ka BE.
“Dialogu intensiv është puna thelbësore e diplomacisë. Annalena Baerbock theksoi sot në një bisedë me homologun serb, Marko Gjuriq, se sundimi i ligjit, CEFTA dhe normalizimi me Kosovën janë qendrore në rrugën drejt BE-së. Gjermania është në dispozicion si partnere për reforma të mëtejme”, citohet të ketë thënë Baerbock.